Sex Íslendingar, sem eiga það sameiginlegt að vera náttúrubörn og útivistarfólk, segja sögu sína af ævintýrum, svaðilförum og hetjudáðum.

Söguhetjurnar eru Tómas Guðbjartsson hjartaskurðlæknir, Sigríður Lóa Jónsdóttir sálfræðingur, Kerstin Langeberger ljósmyndari og leiðsögumaður, Valtýr Sigurðsson, fyrrum ríkissaksóknari, Ólafur Örn Haraldsson þjóðgarðsvörður og forseti Ferðafélags Íslands, og Vilborg Arna Gissurardóttir afrekskona.

Höfundurinn, Reynir Traustason, hefur skrifað metsölubækur á borð við Ljósið í Djúpinu, örlagasögu Rögnu á Laugabóli og Líf og leyndardóma Sonju W. Zorrilla.