Lars Elling er þekktur myndlistarmaður en Furstarnir af Finntjörn er fyrsta skáldsagan hans.

Hringrás lífs og náttúru er undirliggjandiefni þessarar fallegu bókar frá fyrstu orðum höfundar til loka frásagnarinnar. Filip er 18 ára gamall árið 1985 og ætlar að vera listamaður. Smám saman segir dauðveikur föðurafi hans honum átakanlega sögu af sér og bróður sínum frá því þeir lágu úti í skógunum norðan við Osló sjötíu árum áður. Þá voru bræðurnir aðeins börn að aldri og margt kom fyrir sem börnum er ekki ætlað að reyna og hafði áhrif á allt þeirra líf.

Náttúrulýsingarnar eru gæddar afbragðs næmni myndlistarmannsins og samband bræðranna einstakt.

Furstarnir byggja að hluta til á fjölskyldusögu höfundar og eru allt í senn, frumleg, hugljóf, sársaukafull, spennandi og skemmtilega bók.

Þessi litríka bók Lars Elling var tilnefnd til fjölda verðlauna þegar hún kom út í Noregi árið 2022.