Elín lifir hinu fullkomna lífi, er virtur og vinsæll ljósmyndari í New York, á yndislegan eiginmann og 17 ára dóttur. Þegar hún fær óvænt bréf frá æskuvini sínum koma brestir í glansmyndina og draugar fortíðar fara á stjá. Fátækt og erfiðleikar æskuáranna á Gotlandi hafa skilið eftir sig djúp sár og nú þarf hún að horfast í augu við veruleika sem hún flúði frá.

Hálft hjarta er grípandi saga um hvernig hægt er að takast á við skömm og sektarkennd og finna sína eigin rödd – og ástina.

Sofia Lundberg hefur verið tilnefnd til fjölda verðlauna fyrir bækur sínar og fyrri bók hennar, Rauða minnisbókin, sló í gegn um allan heim.