Heillandi og sorgleg í senn. Hús tveggja fjölskyldna er grípandi og hjartnæm fjölskyldusaga sem geymir nístandi leyndarmál. Tvö börn fæðast með nokkurra mínútna millibili í steinhlöðnu tvíbýlishúsi meðan úti geisar óveður.

Mæðurnar eru svilkonur: Hin skyldurækna og hljóðláta Rose sem þráir að geðjast erfiðum eiginmanni sínum; og Helen sem er hlý og örlát móðir fjögurra fjörugra stráka sem virðast þarfnast hennar minna með hverjum deginum. Þær ala upp börnin hlið við hlið, styðja hvor aðra og tengjast órjúfanlegum böndum þessa örlagaríku vetrarnótt.

Þegar veðrinu slotar virðist lífið halda áfram sinn vanagang en er árin líða koma fram brestir og náið samband kvennanna gliðnar. Enginn veit hvers vegna og enginn getur stöðvað það. Ein röng ákvörðun, ein örlagarík stund. Hamingja fjölskyldnanna vegur salt og það skiptast á skin og skúrir.