Um 400 bls. úrval úr þýðingum Bernards Scudder. Bókin þræðir sögu íslenskrar ljóðlistar allt frá Völuspá og Höfuðlausn Egils Skallagrímssonar til höfuðskálda síðustu alda og til ungskálda dagsins í dag. Í bókinni eru ljóð eftir 68 skáld og það er einsdæmi að einn þýðandi láti eftir sig jafnvíðfeðmt úrval af íslenskum kveðskap og birtist í þessari bók.

Bernard Scudder lést haustið 2007 langt um aldur fram, aðeins rúmlega fimmtugur. Ráðist var í þessa útgáfu til að heiðra minningu hans en jafnframt til að veita umheiminum hlutdeild í stórbrotnu og einstöku ævistarfi sem um leið er eitt yfirgripsmesta heildarsafn íslenskra ljóða sem út hefur komið á erlendu máli. Bernard Scudder sem var einn mikilhæfasti þýðandi af íslensku á ensku sem fram hefur komið. Einna hæst ber starf hans að heildarþýðingu Íslendingasagna á ensku sem út kom 1997. Margrómaðar eru þýðingar hans á Egils sögu Skallagrímssonar og Grettis sögu.