Höfundar: Margrét Tryggvadóttir, Linda Ólafsdóttir

Íslandsbók barnanna er falleg og fræðandi bók um flest það sem einkennir eldfjallaeyjuna okkar. Hér er fjallað í máli og myndum um fjörur og fjallstinda, fiska og fugla, pöddur og blóm, sumarsól og vetrarmyrkur, þjóðgarða og borgarlíf, sjávarþorp og sveitir, þjóð og tungu, hraun og skóga, jökla og eyjar, vötn og sanda, ár og fossa og margt, margt fleira – vetur, sumar, vor og haust.

Margrét Tryggvadóttir ritar aðgengilegan texta sem öll fjölskyldan getur lesið saman og blæbrigðaríkar myndir Lindu Ólafsdóttur gera bókina að sannkölluðu listaverki.

Íslandsbók barnanna á engan sinn líka og er fagnaðarefni fyrir íslenskar barnafjölskyldur.