Jekyll-konan er þriðja skáldsagan eftir hjúkrunarfræðinginn Emmu Glass og sú fyrsta þeirra til að koma út í íslenskri þýðingu. Fjallað er um Rósý Winter, leikskólakennara sem er í fyrstu ung, hraust og hamingjusöm en líf hennar umturnast, þegar hún greinist með krabbamein sem reynist verða illvígt. Þessi sætsára, ímyndaða reynslusaga verður einkar ljóðræn og á köflum hrollvekjandi, enda er – bara alls ekki á áberandi máta – ýjað að gotnesku sögunni sem Róbert Louis Stevenson skrifaði um Jekyll lækni og herra Hyde – einkum þegar sjúkdómurinn líkamnast, verður að kynæsandi en stórhættulegri konu sem kallar sig Nólu.