Sumir þekkja fólk og sumir þekkja ekki fólk. Í hnédjúpri moldarholu í gömlum kirkjugarði standa tveir grafarar og spjalla um Jónatan jeminn, ævi hans og ástir allt til þess að hann braut sextugan hálsinn á bjórkassa. Annar grefur meðan hinn segir svakasögur af öllu því fólki sem þekkti Jónatan sáluga jeminn. Var honum sálgað eða dó hann af sleipum slysförum? Jónatan jeminn, maður fólksins sem allir hötuðu að elska!