Vorið er komið og dýragarðurinn fullur af ungviði en Alberti Uggasyni forstjóra er vandi á höndum. Andrómeda litla er horfin og kameljónin eru miður sín af áhyggjum. Hinn ráðsnjalli Bogi Pétur Broddgöltur verður því að vakna af værum blundi og hjálpa til við leitina.
Á ferð sinni um dýragarðinn rekast félagarnir á fleiri foreldra sem eiga í vandræðum með afkvæmi sín en ekkert dýranna hefur séð kameljónsunga.
Getur þú hjálpað til við leitina? Fjórða bókin um broddgöltinn ráðsnjalla sem glímir við margvísleg vandamál sem upp kunna að koma í dýragarði.