Kristín Jónsdóttir frá Munkaþverá hefur helgað sig myndlist í liðlega sextíu ár. Verkin hennar kunna að virðast kyrrlát við fyrstu sýn en undir niðri er þungur niður – nútíð og fortíð kallast á og tíminn, náttúran og menningin eru leiðarstef.

Kristín G. Guðnadóttir gerir grein fyrir sköpun nöfnu sinnar í bókinni og Steinunn G. Helgadóttir spjallar við hana um lífið og tilveruna. Hildigunnur Gunnarsdóttir hannar bókina af listfengi.