Hefur þú tekið eftir merkjum en ákveðið að hunsa þau? Þegar Saga kynnist Dalíu á reyksvæði Ölstofunnar verður hún yfir sig heilluð af listhneigða töffaranum með ísbláu augun. Fljótt myndast brestir í sakleysislegu yfirborði sambandsins en Saga er of upptekin af neistafluginu til þess að staldra við og athuga hvort allt sé með felldu.

Sólveig Johnsen lauk framhaldsnámi í ritlist við Háskóla Íslands og var Merki útskriftarverk hennar. Áður hafa smásögur eftir hana birst í ýmsum safnritum, meðal annars bókinni Það er alltaf eitthvað, sem ritlistarnemar gáfu út vorið 2019.