Höfundur: Hiroe Terada

ORAN vantar eitthvað en neitar öllu sem GUTAN býður honum. GUTAN skilur ekki hvað amar að ORAN en finnur að lokum leið til þess að fá ORAN til að taka gleði sína á ný.

Það er ekkert til sem heitir fullkomið uppeldi. Leiðin til góðs uppeldis er leið hins gagnkvæma skilnings. ORAN og GUTAN bækurnar hvetja lesendur til að átta sig á að erfiðleikar eru eðlilegur hluti samskipta, oft skemmtilegir í upprifjun. Hver hindrun gefur foreldri/umsjónarmanni tækifæri til að mynda sterkari tengsl við barnið.

Það er kominn tími til að gefa út nýja tegund barnabóka. Hvers vegna hafa fáar ungbarnabækur tilfinningahlaðna söguframvindu? Ástæðan er sú að lengi vel voru ung börn talin hafa lítinn skilning á tilfinningalífi og hugsunum annarra. Hins vegar hafa rannsóknir síðustu áratuga á sviði þroskasálfræði leitt í ljós að skilningur ungra barna á þessum þáttum er mun meiri en áður var talið. Lestur bókanna ýtir undir félagslegan og tilfinningalegan þroska barnanna.

ORAN og GUTAN bækurnar eru prentaðar í svarthvítu þar sem að ung börn geta betur greint hluti í svarthvítu. Fyrir 0-4 ára.