Frá árinu 2016 hefur Ós Pressan, félagasamtök rithöfunda og skálda í Reykjavík, gefið út fjöldtyngda bókmenntatímaritið Ós – The Journal á hverju ári. Ritið hefur að geyma verk eftir höfunda og listafólk af ólíkum uppruna og með mismunandi bakgrunn. Hvert þeirra hefur sinn ritstíl og þau skrifa á mismunandi tungumálum. Öll hafa þau einhverja tengingu við Ísland.

Í þessu tölublaði má finna yfir 50 verk eftir 34 höfunda á ellefu tungumálum; hollensku, ensku, frönsku, þýsku, íslensku, ítölsku, indónesísku, pólsku, portúgölsku, spænsku og tyrknesku.

Í tilefni af því að nú kemur 5. tölublaðið út fylgir þessari afmælisútgáfu lauskápa með verkum nokkurra félaga Ós Pressunnar. Sum hafa flutt sig um set og sinna nú öðrum verkefnum og önnur halda áfram að gæta að lífi og heilsu samtakanna.