Höfundur: Hannes Pétursson

Árið 1871 var framinn glæpur í Hjaltadal í Skagafirði sem geymdist í munnmælum og tæpri öld síðar heyrði Hannes Pétursson þá skuggalegu sögu og færði á bók. Hún kom fyrst út 1973 en er nú endurútgefin með nýjum formála höfundar. Í Rauðamyrkri er flest það komið saman sem prýðir góðan sagnaþátt, ekki síst einstök frásagnargáfa skáldsins sem nemur kjarnann í hverjum hlut og er síspurul um grunn mannlegrar hegðunar.