Stálöndin fær Georg til að smíða fyrir sig tímavél svo hún geti verið á fleiri en einum stað í einu – en gengur það? Mína kaupir nýja kaffivél með tímastilli en þegar hún setur hana saman fer hinn eiginlegi tími eitthvað á flakk með óvæntum afleiðingum. Georg kemst í beina snertingu við fornöld í gegnum nýjustu uppfinningu sína sem er öflugri en hann grunaði. Og áfram halda ævintýrin: Mikki og Guffi skella sér aftur í tímann til Grikklands til forna, Jóakim frændi ferðast um rúm og tíma til að græða meira og Andrési er fagnað sem hetju á 31. öldinni. Þessar æsispennandi sögur eru tímalaus snilld!