Kynnstu Rosu Parks, „móður frelsishreyfingarinnar“.

Rosa Parks ólst upp í Alabama, þar sem hún lærði snemma að standa með sjálfri sér. Þegar hún óx úr grasi gerðist Rosa baráttukona fyrir mannréttindum. Árið 1955 ríkti aðskilnaðarstefna í Alabama og Rosa neitaði að að gefa eftir sætið sitt í strætó fyrir hvítum manni. Hugrekki hennar hafði gríðarleg áhrif á mannréttindabaráttuna og varð að lokum til þess að aðskilnaði hvítra og hörundsdökkra í almenningssamgöngum var hætt. Hún hætti aldrei að vinna að jöfnum réttindum öllum til handa.

Þessi áhrifamikla bók inniheldur stílhreinar og einstakar myndskreytingar sem lýsa lífshlaupi þessarar mögnuðu baráttukonu og aðgerðasinna.