Sönn saga um skelfilegasta raðmorðingja Alaska, Robert Hansen

Á áttunda áratug síðustu aldar bjó bakari nokkur að nafni Robert Hansen yfir myrku leyndarmáli sem olli skelfingu í Anchorage, stærstu borg Alaska í Bandaríkjunum. Hann hafði gert ósnortin víðerni Alaska að eigin veiðilendum við mannaveiðar.

Í rúman áratug tældi Hansen konur um borð í flugvél og flaug með þær á afskekktan stað úti í náttúrunni þar sem hann hafði keypt kofa. Þar nauðgaði hann konunum en sleppti þeim svo út í óbyggðirnar og tók til við að veiða þær eins og bráð.

Þegar líkamsleifar kvenna fóru að finnast, hóf lögreglan umfangsmikla leit að þeim sem var valdur að drápunum.

Veiðarnar er hrollvekjandi frásögn af sálarlífi miskunnarlauss raðmorðingja.

Rétt eins og í fyrri bókum skrifar Ryan Green á kraftmikinn og lifandi hátt eins og í bestu spennusögu.

Ragnar Hauksson íslenskaði.

„Ryan Green er ótrúlegur sagnamaður … hann segir ekki aðeins söguna eins og hún gerðist heldur gerir lesandann nánast að þátttakanda í henni.“ – Blackbird

* * * * * „Ég get ekki beðið eftir að lesa meira eftir þennan höfund.“ – amazon.com