Höfundur: Jenny Colgan

Flóra MacKensie rekur matsöluna Sumareldhúsið í fallegu bleiku húsi við höfnina á skosku eyjunni Mure. Hún nýtur þess að elda gómsæta rétti fyrir eyjarskeggja og ferðamenn sem leita þar skjóls fyrir veðri og vindum.

Allt leikur í lyndi en þó er eitt sem angra. Kærastinn, hinn fjallmyndarlegi Joel, er oft fjarverandi vegna vinnu sinnar fyrir auðkýfinginn Colton og Flóru finnst eins og hann leyni hana einhverju.

Flóra er þó ekki ein um að eiga í vandræðum í einkalífinu. Besta vinkona hennar, Lorna, er yfir sig ástfangin af sýrlenska lækninum Saif en hann bíður frétta af eiginkonu sinni og sonum sem hann varð viðskila við á flótta frá heimalandinu. Tekst vinkonunum að höndla hamingjuna og ástina?

Sjálfstætt framhald Sumareldhúss Flóru sem sat á metsölulistum á Íslandi mánuðum saman.

Hugljúf saga eftir skoska metsöluhöfundinn Jenny Colgan sem hefur heillað lesendur um allan heim með notalegum, fyndnum og lystaukandi bókum sínum. Ströndin endalausa er sjötta bók höfundar á íslensku en áður hafa komið út Sumareldhús Flóru, Litla bókabúðin í hálöndunum og bókaflokkurinn um Litla bakaríið við Strandgötu sem slegið hafa í gegn á Íslandi.