Tröllin eru í vanda. Sífellt fleiri landnámsmenn koma sér fyrir í sveitinni og glóandi hraun streymir yfir þar sem áður var blómleg tröllabyggð. Hvað eiga þau til bragðs að taka?

Eins og iðulega leita tröllin til Hallmundar gamla, sem er bæði vitur og þolinmóður, en að þessu sinni kemur honum ekkert ráð í hug. En Hallmundur á hugmyndaríka dóttur, Hringaló, sem hjálpar honum að finna ný heimkynni fyrir tröllin og leggur síðan til að haldin verði hátíð til að fagna þeirri farsælu lausn.