Höfundar: Josie Silver, Herdís Hübner þýddi

Lydia Bird og Freddie Hunter hafa verið óaðskiljanleg frá unglingsárum, alltaf saman, alltaf ástfangin. Þar til á 28 ára afmælisdegi Lydiu – þegar Freddie lætur lífið í slysi.

Líf Lydiu er í rúst, allt virðist óhugsandi án Freddies. En þegar læknirinn lætur hana hafa pillur til að sofna gerist kraftaverkið; í svefni hittir hún Freddie og samband þeirra heldur áfram eins og ekkert hafi í skorist, þau ferðast saman og undirbúa brúðkaupið … en vökulífið heldur líka áfram og þar þarf Lydia að takast á við sáran missi og breyttar aðstæður. Þessi tvö samhliða líf, tvær sögur með ólíka framvindu, taka brátt að togast á um hug hennar og hjarta. Og í raunheiminum kviknar von um nýja ást …

Tvö líf Lydiu Bird er heillandi saga um krossgötur lífsins, erfiðleika, ást og hamingjuleit. Josie Silver skrifar rómantískar og fjörugar skáldsögur með alvarlegum undirtón.

Áður er komin út á íslensku fyrsta skáldsaga hennar, Dag einn í desember.

Herdís Hübner þýddi.