Trille er viss um að nágranninn Lena Lid sé besti vinur hans. En hann er ekkki viss um að hann sé besti vinur Lenu Lid.

Í bókinni fylgjumst við með þessum tveimur uppfinningasömu níu ára börnum í gegnum sætt og súrt í heilt ár. Oft gengur mikið á í litlu víkinni þar sem þau búa. Á milli hlátraskallana segir Tirlle lágum rómi frá þeirri alvöru og sorg sem fylgir því að vera níu ára og hræðslunni yfir því að missa allt sem honum þykir vænt um.

Bókin hefur verið gefin út í fjölda landa og fengið frábæra dóma. Í Noregi er bókin löngu orðin sígild og er höfundinum Mariu Parr lýst sem blöndu af Anne Cath Vestley og Astrid Lindgren. Útgáfuréttur hefur verið seldur til 16 landa. Norska ríkissjónvarpið (NRK) frumsýndi í nóvember 2011 sjónvarpsþáttaröð sem gerð er eftir bókinni.