Kona og tvö ung börn eru myrt á heimili sínu í Stokkhólmi. Engar vísbendingar finnast og spurningarnar hrannast upp. Hvers vegna hefur faðir barnanna engin samskipti við fjölskyldu sína? Hvernig hafði atvinnulaus filippseysk kona efni á rándýrri íbúð? Er svörin kannski að finna í löngu liðnum atburðum í sænskum smábæ? Lögregluforinginn Conny Sjöberg og félagar hans standa ráðþrota gagnvart þessum skelfilega glæp og þurfa um leið að kljást við drauga úr eigin fortíð. Og einn úr hópnum, Einar Eriksson, virðist gufaður upp …

Carin Gerhardsen sló rækilega í gegn með Piparkökuhúsinu, fyrstu spennusögunni um lögreglusveitina á Hammarbystöðinni, og fylgdi henni eftir með Mamma, pabbi, barn, sem hlaut ekki síðri viðtökur. Sænskir bókabloggarar kusu Vögguvísu bestu skáldsögu ársins þegar hún kom út.

Nanna B. Þórsdóttir þýddi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 9 klukkustundir og 47 mínútur að lengd. Davíð Guðbrandsson les.