Stríðsmærin Ósk og seiðstrákurinn Xar hafa verið gerð útlæg og eru á flótta undan seiðmennum, stríðsmönnum og öðru mun hættulegra, NORNUM … Tekst þeim að finna síðustu hráefnin í nornaförgunarseyðið áður en nornakóngurinn læsir klónum í járnvirka galdurinn?

Æsispennandi ævintýrasaga eftir metsöluhöfundinn Cressidu Cowell en bókaflokkur hennar Að temja drekann sinn sló rækilega í gegn. Barið þrisvar er þriðja af fjórum Seiðmannabókum. Kvikmynd í bígerð.