Í Limrubókinni er safnað saman úrvalslimrum af ýmsum toga, svo sem gamanmálum, tvíræðni, pólitík og ljóðrænum stemningum. Sumar limrurnar leika á hvers manns vörum, aðrar eru á fárra vitorði og enn aðrar eru frumbirtar hér. Í upphafi bókarinnar er ágrip af uppruna limrunnar og rakið hvenær hún skaut rótum hér á landi. Pétur Blöndal blaðamaður og rithöfundur tók saman.