Krossferðirnar – herferðir Evrópumanna austur í Botnalönd á miðöldum – eru merkur þáttur miðaldasöggunar og hafa löngum vakið áhuga fræðimanna og áhugafólks um sögu mannkyns. Á tímabilinu frá lokum 11. aldar og fram til fyrstu ára 14. aldar fóru hundruðir þúsunda „sannkristinna” Evrópubúa í herrferðir austur í löndin fyrir botni Miðjarðarhafs í þeim tilgangi að „frelsa” Landið helga, helstu sögustaði kristninnar og kristið fólk sem þar bjó undan ofríki og meintri áþján múslima. Af þessum herferðum, sem sumar voru að undirlagi páfans í Róm, er mikil og blóði drifin saga sem rakin er í þessari bók. Þegar á allt er litið skiluðu krossferðirnar litlum árangri. Þær urðu síst til að bæta stöðu kristinna íbúa landanna þar eystra og ekki tókst krossförunum að vinna lönd til langframa. Á hinn bóginn sáu herferðirnar fræjum úlfúðar og ófriðar sem enn í dag endurómar víða um heim.

Höfundur bókarinnar, Jón Þ. Þór, er rannsóknarprófessor emeritus við Háskólann á Akureyri. Hann er í hóði afastamestu sagnfræðinga á Íslandi og hefur samið á níunda tug bóka.