Síðsumarsnótt eina fer rafmagn skyndilega af stórum hluta Skánar. Fabian Risk og Matilda dóttir hans verða vitni að því úr seglbáti á Eyrarsundi þegar kolniðamyrkur skellur á.

Í Helsingborg hafa Fabian og samstarfsmenn hans verið að rannsaka fjölda einkennilegra mála sem tengjast dularfullu rafmagnsleysi.

En rannsóknirnar ganga hægt og vitni haga sér undarlega. Dag einn hefur gömul kærasta Fabians samband og segir honum að dóttir sín sé horfin. Var henni rænt eða hafði faðir hennar eitthvað með hvarfið að gera? Við leit að stúlkunni fer Fabian að greina mynstur. En hvað er það sem hann sér ekki?

Áratug eftir atburðina í Síðasta naglanum snýr Fabian Risk aftur í einni vinsælustu glæpasagnaseríu samtímans.

Bækur sænska verðlaunahöfundarins Stefan Ahnhem um Fabian Risk þykja með allra bestu glæpasögum síðari ára. Þær eru margverðlaunaðar og hafa selst í milljónum eintaka. Núllkynslóðin er sjöunda bókin í flokknum um Fabian Risk