Á heitum sumardegi í Helsingjaborg ekur bíll á fleygiferð fram af bryggjusporða, beint ofan í ískaldan og dimman sjóinn. Lögreglan fiskar upp lík ökumannsins. Það reynist vera af ungum milljónamæringi úr tæknigeiranum.

Við fyrstu sýn virðist hann hafa fyrirfarið sér. En við krufningu kemur í ljós að maðurinn var dáinn áður en bíllinn fór í sjóinn. Hann hafði verið drepinn með óhugnanlegum hætti tveimur mánuðum fyrr, en líkaminn frystur — við mínus átján gráður!

Bækur sænska verðlaunahöfundarins Stefan Ahnhem um lögregluforingjann Fabian Risk hafa slegið í gegn og þykja með allra bestu glæpasögum síðari ára. Mínus átján gráður er þriðja bókin í flokknum um Fabian.