Hvað gerir móðir þegar hún getur ekki bjargað barninu sínu?

Rósella Mosty hefur lifað margt. Hún missti föður sinn ung að árum, flutti úr landi, byggði upp fjölskyldu, eignaðist börn og barnabörn og taldi sig hafa kynnst bæði gleði og sorg. En ekkert gat búið hana undir það þegar elsta dóttir hennar, Ester Eva, veiktist skyndilega alvarlega aðeins nokkrum mánuðum eftir fæðingu yngri sonar síns. Fljótlega tók við barátta sem engin fjölskylda óskar sér.

Í þessari áhrifamiklu sjálfsævisögu leiðir Rósella lesandann inn í heim þar sem von og ótti takast á hvern dag. Hún segir af biðinni eftir svörum, erfiðum ákvörðunum, ástinni sem heldur fólki uppi þegar allt virðist hrynja og þeirri reynslu að standa við hlið barns síns þegar ekkert skiptir lengur máli nema dagurinn í dag.

En þetta er ekki aðeins saga um missi. Þetta er líka saga fjölskyldu, skilyrðislausan kærleika, seiglu og þær minningar sem verða dýrmætastar þegar lífið umturnast. Sagan mín, sagan hennar er einlæg og átakanleg frásögn um veruleika sem ekkert foreldri vill þurfa að horfast í augu við – og sýnir um leið þann styrk sem getur sprottið af dýpstu sorg.

Sr. Vigfús Bjarni Albertsson ritar formála.