Skáldverk Ólafs Jóhanns Sigurðssonar um Pál Jónsson blaðamann er stórbrotið uppgjör við mestu átakatíma síðustu aldar á Íslandi, hernámið og eftirstríðsárin. Hér er að finna lokabindi þessa mikla sagnabálks, Dreka og smáfugla, en áður eru komin út í einni kilju fyrri bindin tvö, Gangvirkið og Seiður og hélog. Ólafur Jóhann Sigurðsson (1918–1988) var einn af helstu stílsnillingum síns tíma og fer á kostum í Pálssögu. Persónurnar endurspegla margslungið andrúmsloftið í samfélaginu og eru í senn skoplegar og tragískar. Ólafur Jóhann hlaut bókmenntaverðlaun Norðurlandaráðs árið 1976, fyrstur Íslendinga.

Veröld gefur út.