Bæta á óskalistaEr á óskalista
Bæta á óskalista
Þúsund kossar
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2017 | 283 | Original price was: 3.990 kr..690 kr.Current price is: 690 kr.. | ||
| Rafbók | 2017 | 990 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2017 | 283 | Original price was: 3.990 kr..690 kr.Current price is: 690 kr.. | ||
| Rafbók | 2017 | 990 kr. |
Um bókina
„Ég var ákaflega lífsglöð, ung kona. Ég var kannski líka svolítið óþolinmóð, en það er gjarnan fylgifiskur þeirrar miklu orku sem býr í gleðinni. Ég gat líka verið óttalegur njóli. Eins og mörgu ungu fólki fannst mér ég vera eilíf og ódrepandi og datt ekki í hug að nokkuð illt gæti komið fyrir mig, óttaðist ekkert og treysti öllum.“
Jóga fer sem „au pair“ til New York 1980 og lendir þar í skelfilegri lífsreynslu. Hennar bíður löng glíma við sektarkennd, skömm og glatað sakleysi. Hér segja þau hjón, Jóga og Jón Gnarr, þessa sérstæðu sögu.
Jón þekkja allir; hann er grínisti, leikari, rithöfundur og fyrrverandi borgarstjóri. Minna hefur farið fyrir Jógu sem hefur fremur kosið að standa utan við sviðsljósið. Hún rak lengi tískuverslunina Skaparann í Reykjavík, var meðal stofnenda Besta flokksins og tók virkan þátt í starfi hans. Með fram öðru vinnur hún sem nuddari.
Þúsund kossar er einlæg og persónuleg bók með myndum úr einkasafni Jóns og Jógu.
8 umsagnir um Þúsund kossar
Árni Þór –
„Manni finnst maður komast mjög nálægt Jógu sem karakter …“
Sunna Dís Másdóttir / Kiljan
Árni Þór –
„… sögurnar sjálfar grípandi og skemmtilegar og draga vel fram persónuleika hennar, sem er uppátækjasamur, græskulaus og jákvæður … Jón er mjög lunkinn
penni og sögumaður og hefur djúpan skilning á hárfínum tilbrigðum frásagnar … Það er ekki síst hvernig Jóga mætir þeim örlögum sem er einstakt og lyftir manns eigin pælingum um fyrirgefningu og lífsviðhorf í nýjar hæðir.“
Júlía Margrét Alexandersdóttir / Morgunblaðið
Árni Þór –
„Þetta er falleg persónulýsing, vel skrifuð og til þess fallin að veita innblástur.“
Steingerður Steinarsdóttir / Vikan
Árni Þór –
„Ég er viss um að skrifin skila einhverju góðu fyrir hana og Jón. Lesendur munu áreiðanlega hafa gaman af bókinni; dúndrandi eitís-fílingnum, heiðarleikanum, hugrekkinu og uppgjörinu; og jafnvel draga af henni nokkurn lærdóm enda er þetta öðrum þræði öndvegis sjálfshjálparbók.“
Steinunn Inga Óttarsdóttir / Víðsjá
Árni Þór –
„Þeir sem þekkja Jógu Gnarr segja að hún búi yfir kröftum sem fæstir búi yfir. Að hún sé göldrótt … Í henni býr eitthvað svo tært en kröftugt, einhvers konar umbreytingakraftur … saga um unga manneskju með fágætan lífskjart sem týnir honum … og eftir situr kona með yfirþyrmandi reynslu, kona sem þarf að græða lífskjarkinn eins og hún hefur hjálpað svo mörgum að gera … þess vegna er svo hvetjandi og gott að lesa hana. Og svo skemmtilegt því annað eins líf, sagt af maka þess það lifði, getur ekki verið annað en síðuflettir.“
Auður Jónsdóttir / FB
Árni Þór –
„Þetta er fyrsta jólabókin sem ég las og hún er bara algjörlega frábær … Andlitið dettur pínulítið af manni við lesturinn … en fyndin líka … Ég var rosalega hrifinn af þessari bók.“
Gísli Marteinn Baldursson / Vikan
Árni Þór –
„Mæli 1000% með þessari bók.“
Björg Magnúsdóttir
Árni Þór –
„Lesandinn verður algjörlega agndofa. Þarna er lýst algjörlega einstakri atburðarrás … Einstök frásögn og opinská … ein þeirra bestu sinnar gerðar í jólabókaflóðinu … hlý og góð bók.“
Reynir Traustason / Stundin