Vilhelm Anton Jónsson, einnig þekktur sem Vísinda-Villi, hefur ekki lokið við skrif á Vísundabók Villa, eins og ranghermt var í gær. Hinsvegar er aldrei að vita hvað framtíðin ber í skauti sér og hver veit nema Villi fylgi eftir velgengni Vísindabókar Villa sem seldist eins og heitar lummur fyrir jólin með nýrri bók. En við getum fullvissað ykkur um að það er ekki Vísundabók. Villi fær þakkir fyrir að taka þátt í þessu 1. aprílsprelli með okkur.
