Þú ert hér://Allt með kossi vekur

Allt með kossi vekur

Höfundur: Guðrún Eva Mínervudóttir

Þegar Davíð fær send eftirlátin gögn Láka, sambýlismanns Elísabetar móður hans, vaknar hjá honum óslökkvandi löngun til þess að komast til botns í því sem gerðist haustið 2003. Hver var þáttur móður hans í örlögum vina hennar, Indi og Jóns? Hafði Elísabet eyðileggjandi áhrif á alla í kringum sig? Kallaði Kötlugosið fram illskuna í fólki? Bjó hinn eini sanni koss yfir óskilgreindum ógnarkrafti? Leit Davíðs að sannleikanum verður að ferðalagi inn í innstu sálarmyrkur og knýr hann að lokum til að takast á við erfiðar spurningar um tilvist sína.

Allt með kossi vekur er kraftmikil og hugmyndarík saga sem sver sig í ætt við fyrri bækur Guðrúnar Evu Mínervudóttur, þar sem frásögnin dansar á mörkum raunsæis og fantasíu. Guðrún Eva hlaut fyrir hana Íslensku bókmenntaverðlaunin árið 2011.

Teikningar í bókinni eru eftir Sunnu Sigurðardóttur.

 

Frá 990 kr.

Gerð SíðurÚtgáfuárVerðMagn
Innbundin3532011 Verð 3.100 kr.
Kilja3532012 Verð 990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / / /

8 umsagnir um Allt með kossi vekur

  1. Kristrún Heiða Hauksdóttir

    „Þetta er sterkt verk; sögumaðurinn kafar djúpt í sálarlíf allra sögupersónanna og gengur ansi nærri þeim en fyrir vikið verða þær áhugaverðar í hversdagsleika sínum og aldrei klisjur … Sársauki persónanna verður hreint áþreifanlegur en Guðrún Eva eykur dramatíkina enn frekar með því að flétta inn goðsagnakenndri fantasíu, sem Sunna Sigurðardóttir hefur fært í myndasöguform, um fyrsta koss heimsins og yfirnáttúrulegt afl sem losnar úr læðingi hjá þeim sem hljóta slíkan lífsins koss.“
    Auður Aðalsteinsdóttir / Spássía.is

  2. Kristrún Heiða Hauksdóttir

    „Guðrún Eva fangar brot af sprengikrafti náttúrunnar í þessu verki sem hverfist um ástina og dauðann, skil draums og veruleika, svefns og vöku og listgáfu og vitfirringar – og ekki síst eilífa þörf mannskepnunnar til að ramma inn veruleikann, festa hönd á „sannleikanum“ og skilgreina þannig eigin stöðu í gjósandi heimi.“
    Erla Elíasdóttir / Druslubækur og doðrantar (bokvit.blogspot.com)

  3. Kristrún Heiða Hauksdóttir

    „Allt með kossi vekur [er] ekki einungis margslungin í frumlegum tilraunum með sjálft skáldsagnaformið, heldur einnig í efnistökum og skírskotunum í þann stóra merkingarheim er verkið sprettur úr … óhætt [er] að fullyrða að lesturinn opnar lesandanum einkar áhugaverðan heim, í víddum sem eru fáheyrðar í íslenskum skáldskap.“
    Fríða Björk Ingvarsdóttir / Víðsjá

  4. Kristrún Heiða Hauksdóttir


    „Guðrún Eva hefur enn og aftur skapað seiðmagnað skáldverk sem fellur seint í gleymsku.“
    Ingveldur Geirsdóttir / Morgunblaðið

  5. Kristrún Heiða Hauksdóttir

    „Þetta fleygast inn í hausinn á manni og situr þar. Það er einkenni góðra bóka – maður gleymir þeim ekki strax.“
    Egill Helgason / Kiljan

  6. Kristrún Heiða Hauksdóttir

    „Bók Guðrúnar Evu Mínervudóttur er fersk, frumleg, ágeng og spennandi,  byggingin er úthugsuð og frásagnarhátturinn flottur.“
    Steinunn Inga / steinunninga.wordpress.com

  7. Kristrún Heiða Hauksdóttir

    „… átakamikið og áhrifamikið verk og minnir að því leyti á eina af fyrri skáldsögum höfundar, Yosoy … hiklaust ein af athyglisverðustu og sterkustu skáldsögum þessa árs.“
    Úlfhildur Dagsdóttir, bokmenntir.is

  8. Kristrún Heiða Hauksdóttir

    „Guðrún Eva hefur löngu sannað að hún er einn okkar frjóasti og frumlegasti höfundur og hefur einstakt lag á því að sýna samskipti fólks í nýju og óvæntu ljósi.“
    Friðrika Benónýs / Fréttablaðið

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund