Höfundar: Jónas Hallgrímsson, Dick Ringler

Iceland, frost-silvered isle! Our beautiful, bountiful mother!
Where are your fortune and fame, freedom and happiness now?

Bard of Iceland er brautryðjandaverk um listaskáldið Jónas Hallgrímsson, viðamesta og markverðasta bók sem út hefur komið um íslenskt þjóðskáld á erlendu máli og um leið afar áhugavert fræðirit um ljóðaþýðingar.

Höfundurinn Dick Ringler, prófessor emeritus í enskum miðaldabókmenntum og norrænum fræðum við Wisconsin háskóla, fjallar um Jónas af víðsýni og einstöku innsæi og birtir jafnframt þýðingar sínar á lykilverkum hans með ítarlegum skýringum. Ringler hefur skrifað fjölda bóka og ritgerða um íslenskar og enskar bókmenntir og verið vinsæll kennari og fyrirlesari bæði í heimalandinu og hér á landi um áratugaskeið. Bard of Iceland kom fyrst út í Bandaríkjunum árið 2002 en er nú loksins fáanleg hérlendis.

Í bókinni rekur Ringler sögu Jónasar, kynnir landshætti hér og í Danmörku og tengir skáldið við strauma og stefnur síns tíma, m.a. við skáldskap samtímamanna hans í Evrópu. Einnig er í bókinni ítarleg umfjöllun um bragarhætti sem Jónas notar, íslenska og erlenda.