Um kaffileytið á fögrum haustdegi er allt með kyrrum kjörum í Boston. Teiknarinn Clayton Riddell er staddur úti á götu og ætlar að kaupa sér ís til að fagna nýjum útgáfusamningi sem styrkir fjárhagsstöðu hans verulega. Hann hlakkar til að komast heim og segja tólf ára syni sínum og fyrrverandi konu sinni tíðindin sem hann vonar að muni sameina fjölskylduna á ný.

En skyndilega skipast veður í lofti. Það sem uslanum veldur er Púlsinn, hryllilegt og óskiljanlegt fyrirbæri sem dreifir sér með ógnarhraða um farsíma. Alla farsíma. Clay og aðrir sem ekki eiga gemsa standa allt í einu frammi fyrir heimi sem stjórnast af grimmd, algjörri upplausn og sturlun. Clay og þau sem slást í för með honum ákveða að reyna að flýja þessa blóðugu martröð og stefna gangandi norður á bóginn. Þar vonast Clay ekki aðeins eftir að komast úr öllu brjálæðinu heldur öllu framar að finna son sinn, Johnny. Hvorugt er einfalt mál.

Metsöluhöfundurinn Stephen King hefur skrifað fjölda spennusagna og hafa margar þeirra komið út á íslensku, til dæmis Átta gata Buick, Eymd og Örlög. Gemsinn er glæný og æsispennandi saga frá þessum meistara hrollvekjunnar.

Helgi Már Barðason þýddi.