Breiðdalssetur á Breiðdalsvík hefur gefið út bók um jarðfræði Austurlands. Bókin er á ensku og aðalhöfundur er Martin Gasser jarðfræðingur, sem var starfsmaður Breiðdalsseturs 2012 til 2017. Meðhöfundar eru auk Christu Feucht fv. forstöðumanns Breiðdalsseturs fjórir þekktir íslenskir jarðvísindamenn, þeir Þorvaldur Þórðarson prófessor við HÍ, Leó Kristjánsson, Johann Helgason og Lúðvík E. Gústafsson.

Bókin er fræðirit, en jafnframt er efni hennar auðskilið og aðgengilegt fyrir alla sem áhuga hafa á jarðfræði Austurlands. Í bókinni, sem er 154 bls. er fjöldi mynda og skýringamynda, alls um 190 myndir.