Nú er Fíasól í tómu tjóni. Ingólfur Gaukur nennir ekki að hanga með henni. Amma Gógó og Afi Donni aflýsa jólunum og æða til Tenerife og Fíasól og fjölskylda elta. Glæpsamlegir atburðir eiga sér stað í Skrímslagarðinum. Fíasól gerist spæjari, tekur málin í sínar hendur og flýgur yfir skynsemismörkin.

Hún glímir við hættur, lygar, sorgir og svik og líka gleði og hugrekki sem hún á nóg af.

Þetta er níunda bókin um hina heimsfrægu Fíusól eftir Kristínu Helgu Gunnarsdóttur. Sem fyrr teiknar listamaðurinn Halldór Baldursson veröld Fíusólar og bókaverðlaunaslóðin er löng á eftir þeim öllum!