Íslendingar sendu fjölmennan flokk á Sumarólympíuleikana í London árið 1948 þrátt fyrir gjaldeyrishöft á Íslandi og matarskort í Bretlandi. Til að bregðast við mataskortinum tók íslenski ólympíuflokkurinn 100 kíló af íslenskum mat með sér í nesti. Bókin Með harðfisk og hangikjöt að heiman eftir Þorkel Gunnar Sigurbjörnsson íþróttafréttamann fjallar um undirbúning Íslendinga fyrir Sumarólympíuleikana í London árið 1948 og þátttökuna á leikunum. Bókin fjallar um hinar ýmsu áskoranir sem fylgdu þátttöku Íslendinga á fyrstu Ólympíuleikuana eftir seinni heimstyrjöld.