Hættulegasti fangi allra tíma, Sirius Black, gamall félagi Voldemorts, hefur sloppið úr hinu rammgerða fangelsi Azkaban – og virðist vera að leita uppi Harry Potter. Harry og vinir hans, Ron Weasley og Hermione Granger, mega því búast við hinu versta nú þegar þau hefja þriðja árið sitt í Hogwarts-skólanum.

Af þessum ástæðum eru svokallaðar vitsugur sendar til að gæta Hogwarts, skelfilegar verur sem eru á sveimi um skólalóðina og soga sálirnar úr mönnum. Og í fyrsta tímanum sér Trelawney prófessor fyrirboða um dauða í telaufum Harrys.