Þessi Felix Krull er ungur maður af vafasömum uppruna, sonur kampavínsframleiðanda við Rín sem verður gjaldþrota og styttir sér aldur. Pilturinn, sem náttúran hefur gert vel úr garði, er afar fríður sýnum og aðlaðandi, listamaður í lund, sveimhugi, draumóramaður og ónytjungur í heimi borgaranna. Hann skynjar djúpt mátt blekkingarinnar í heiminum og lífinu og stefnir að því frá öndverðu að gera sjálfan sig að blekkingu, að lífsmunaði. Þar sem hann er ástfanginn af veröldinni án þess að geta þjónað henni á borgaralegan hátt, keppir hann eftir því að gera hana ástfangna af sér, og sakir atgervis síns tekst honum það mæta vel.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 15 klukkustundir og 12 mínútur að lengd. Pétur Eggerz les.