Klefi nr. 6 er þétt, ljóðræn og margslungin frásögn af lestarferð um endilöng Sovétríkin á níunda áratug síðustu aldar. Finnsk stúlka sem stundar háskólanám í Moskvu tekur sér far með Síberíulestinni til Úlan Bator að skoða fornar klettaristur. Hún deilir klefa með drykkfelldum harðjaxli á leið í byggingarvinnu. Í þröngum klefanum mætir vestrið austrinu og á margra vikna löngu ferðalaginu deilir klefafélaginn með henni sögum úr lífi sínu og um land sitt, Rússland.