David er lægst settur allra blaðamannanna á dagblaðinu La Voz de la Industria í Barcelona árið 1917. En kvöld eitt fær hann óvænt tækifæri og semur smásögu fyrir helgarblaðið sem slær í gegn. Hann er orðinn þekktur fyrir bókaflokk um leyndardóma borgarinnar þegar dularfullur franskur út-gefandi hefur samband við hann og vill panta hjá honum ritverk. En útgefandinn er ekki allur þar sem hann er séður og brátt er David í miklum vanda staddur.

Leikur engilsins er saga um bækur, ófyrirsjáanleg áhrif þeirra og anda, eins og fyrri skáldsaga Zafóns, Skuggi vindsins, sem sigraði heiminn fyrir fáum árum. Ógleymanleg saga um yfirnáttúrulega atburði, hamslausar ástríður, hús í álög-um, öngstræti og myrka króka og kima hinnar fögru Barcelonaborgar.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 16 klukkustundir og 6 mínútur að lengd. Ólafur Egill Egilsson les.