Þú ert hér://Líftaug landsins – saga íslenskrar utanlandsverslunar 900–2010

Líftaug landsins – saga íslenskrar utanlandsverslunar 900–2010

Höfundar: Helgi Þorláksson, Gísli Gunnarsson, Anna Agnarsdóttir, Halldór Bjarnason, Helgi Skúli Kjartansson

Verslun við útlönd hefur um aldir verið burðarás í menningu og atvinnulífi landsmanna. Hún hefur mótað lífskjör og gripið inn í daglegt líf fólks, neysluhætti og stjórnmál. Í þessu riti er í fyrsta sinn sögð heildarsaga íslenskrar utanlandsverslunar og nær hún frá land­námstíð til okkar daga.

Leitast er við að segja þessa sögu á lifandi hátt svo að almennir lesendur geti haft af henni gagn og gaman. Kaflar eru fremur stuttir, textinn brotinn upp með rammagreinum og myndefni er ríkulegt.

Í ritinu er fjallað um innflutning og útflutning svo og félagslega, efnahagslega og pólitíska umgjörð utan­landsverslunar. Lesendur finna margt forvitnilegt um framandi kaupmenn og fátæka landsmenn, harðan fisk og mjúka ull, mjöl og öl, brennivín og bjór, við og vax, lýsi og smjör, freðfisk og ál, segl og sjóslys, hafnir og húkkortur, nauðsynjar og neysluvenjur, munað og hungur.

Hér segir frá ýmsu nýstárlegu efni og áleitnum spurningum í íslenskri sagnfræði, m.a. verslun Þjóðverja á 16. öld, höfðingjum sem kúguðu alþýðu á 17. öld, áhrifum iðnbyltingar á verslun Íslands, myndun íslenskrar heildsalastéttar, þátttöku Íslands í alþjóðlegu efnahagssamstarfi og áhrifum efnahags­kreppunnar 2008 til 2010 á verslun, svo að eitthvað sé nefnt.

Ritið er í tveim bindum og er samið af fimm þekktum sagnfræðingum. Einn höfundanna, Halldór Bjarnason, féll frá árið 2010 og tók Helgi Skúli Kjartansson við verki hans. Ritstjóri er Sumarliði R. Ísleifsson.

Verð 17.990 kr.

Gerð SíðurÚtgáfuárVerðMagn
Kilja441; 5332017 Verð 17.990 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / / / / / /