Þú ert hér://Ljóðasafn – Vilborg Dagbjartsdóttir

Ljóðasafn – Vilborg Dagbjartsdóttir

Höfundur: Vilborg Dagbjartsdóttir

Þetta ljóðasafn Vilborgar Dagbjartsdóttur geymir allar ljóðabækur hennar, frumsamin ljóð og þýdd, og fáein áður óbirt ljóð. Vilborg vakti athygli strax árið 1960 með fyrstu ljóðabók sinni, Laufinu á trjánum, og rúmum áratug og tveimur ljóðabókum síðar hafði hún tryggt sér stöðu meðal virtustu og vinsælustu skálda okkar, ein fárra kvenna.

Vilborg yrkir á frjálsu, nútímalegu ljóðmáli og kjör og reynsla kvenna og barna verða henni oft að yrkisefni. Ljóð hennar eru opin og ná rakleitt til lesenda en einfaldleikinn er aðeins á yfirborðinu; þau tjá einatt annan veruleika handan við orðin, oft með vel völdum líkingum, beitingu andstæðna og þverstæðna. Umgerðin er fjölbreytt, allt frá knöppum japönskum hækum og seiðandi ljóðum í þjóðkvæðastíl til ljóðabálka og langra prósaljóða.

Þorleifur Hauksson ritar formála.

Verð 4.790 kr.

Gerð SíðurÚtgáfuárVerðMagn
Innbundin2882015 Verð 4.790 kr.
Vörunúmer: Á ekki við

Sækja í verslun: Frítt

Sendingargjald: Frá 590 kr.

Flokkar: / /

2 umsagnir um Ljóðasafn – Vilborg Dagbjartsdóttir

  1. Kristrún Heiða Hauksdóttir


    „Ljóðunnendur geta glaðst yfir þessari bók. Hún fyllir hugann ró, en vekur jafnframt áleitnar spurningar. Á henni er hugþekkur blær sem lesandi skynjar og samsamar sig við … Heimanbúnaður hennar af hálfu forlagsins er öllum til sóma.“
    Sölvi Sveinsson/Morgunblaðið

  2. Kristrún Heiða Hauksdóttir

    „… einstaklega fallega innbundin … ný perla í ljóðabókasafn heimilisins og einstaklega góð vinargjöf.“
    Steingerður Steinarsdóttir/Vikan

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sama höfund