Maxímús Músíkús verður steinhissa þegar tvær ókunnugar mýs spretta upp úr tösku erlends hljómsveitarstjóra. Viva og Moto eru spennt að sjá Ísland og Maxi er fljótur að grípa tækifærið þegar hann heyrir af fólki á leið í ferðalag. Saman eiga mýsnar ævintýralega daga á fjöllum.

Sögurnar um Maxímús Músíkús eftir Hallfríði Ólafsdóttur og Þórarin Má Baldursson hafa notið gríðarlegra vinsælda og heillað jafnt börn og fullorðna um allan heim. Sinfóníuhljómsveit Íslands hefur flutt þær allar í tali og tónum en þessi saga var pöntuð af SÍ og Fílharmóníuhljómsveitinni í Los Angeles og frumflutt þar vorið 2017.

ATH. Enginn geisladiskur fylgir bókinni en hægt er að hlusta á söguna með tónlistinni sem henni tengist í gegnum hljóðbóka-app Forlagsins. Hljóðbókin er til sölu hér fyrir neðan og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.