Meiri gauragangur er framhald af Gauragangi þar sem við kynnumst hinu orðheppna ungskáldi Ormi Óðinssyni sem sveiflast á milli gyðjunnar Lindu og hinnar frjálslega vöxnu Höllu.

Í Meiri gauragangi segir frá því þegar Ormi tekst að fá Ranúr (Rúnar) besta vin sinn til þess að dvelja með sér sumarlangt í kóngsins Kaupmannahöfn og yfirvinna þar með þá óumræðilegu bæklun að vera orðinn 17 ára og hafa aldrei komið til útlanda.