Piparmeyjar: Fröken Thora og saga einhleypra kvenna á Íslandi
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2025 | 542 | 4.990 kr. | ||
| Rafbók | 2026 | - | 3.990 kr. |
Piparmeyjar: Fröken Thora og saga einhleypra kvenna á Íslandi
3.990 kr. – 4.990 kr.
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2025 | 542 | 4.990 kr. | ||
| Rafbók | 2026 | - | 3.990 kr. |
Um bókina
Hvaða augum leit fólk piparmeyjar og hvaða augum litu þær sig sjálfar? Höfðu þær eitthvert raunverulegt val í lífinu? Og hvað með ástina?
Þetta fróðlega og aðgengilega skrifaða sagnfræðirit byggir á metnaðarfullri rannsókn á ævi og kjörum einhleypra, íslenskra kvenna á umbrotatímum í kvennasögunni þar sem sjónum er bæði beint að einstökum konum og samfélaginu öllu. Í aðalhlutverki er einstætt safn einkabréfa Reykjavíkurstúlkunnar Thoru Friðriksson.
Bréf Thoru veita einstæða og heillandi innsýn í líf skarpgreindrar konu með stóra drauma sem hún fékk ekki tækifæri til að láta rætast fyrr en á miðjum aldri, eftir að hún var búin að rækja skyldur sínar við stórfjölskylduna. Einnig bregða skrif hennar upp ljóslifandi mynd af hálfdanska smábænum Reykjavík skömmu fyrir aldamótin 1900, þar sem betri borgararnir drukku chocolade og champagne, brugðu sér á skauta á Tjörninni og tipluðu á spariskónum yfir moldarflagið fyrir framan nýbyggt Alþingishúsið.
3 umsagnir um Piparmeyjar: Fröken Thora og saga einhleypra kvenna á Íslandi
Fanney Benjaminsdottir –
„… afskaplega skemmtileg og vel samin bók … Tíðarandinn hverju sinni lifnar …”
Sölvi Sveinsson / Morgunblaðið
Fanney Benjaminsdottir –
„Hvaða augum leit fólk piparmeyjar á seinni hluta 19. aldar? Áttu þær raunverulegt val í lífinu? Svör við spurningum sem þessum má finna í Piparmeyjar eftir Sigríði Kristínu Þorgrímsdóttur, vandaðri bók þar sem ævi Thoru Friðriksson er rakin í ítarlegum texta, sendibréfum og myndum. Höfundur lætur sér ekki nægja að horfa eingöngu á Thoru, hún gefur lesanda góða innsýn í stéttaskiptingu, réttindi kvenna, störf, gleði og vonbrigði. Fröken Thora er dæmi um bráðgreinda konu sem á sér drauma en fórnar sér fyrir fjölskylduna.”
Úr umsögn dómnefndar Fjöruverðlaunanna
Fanney Benjaminsdottir –
„Þetta er auðvitað sagnfræðirit en svo aðgengilegt og skemmtilegt að það er hægt að lesa þessa bók eins og skáldsögu.“
Steingerður Steinarsdóttir / Lifðu núna