Höfundur: Haukur Már Helgason

þó ég arki upp og niður fjöll þín og firnindi, dáist að
holtasóleyjum og kunni að krúnka eins og krummi, þá
geri ég það allt á kínverskum skóm.

...

Ljóðabókin Rigningin gerir ykkur frjáls er uppgjör Hauks Más Helgasonar við gamla Ísland og ögrandi samtal við það nýja og heiminn í kring. Það er ekki algóð veröld, háskalega margt minnir á öldina þrettándu.

Ljóðin í bókinni eru frá feitu árunum okkar sem við getum nú upplifað í nýju samhengi. Þau fjalla um pólitíkina, ástina, gleðina, reiðina, pirringinn og lífsfyllingu unaðarins og um rigninguna sem skolar burt sögunum og syndinni og gerir okkur frjáls.

Vangaveltur skáldsins leiða lesendur víða en veganestið er sneisafullt af húmor, lúmskri ádeilu og galsa í bland við ljóðræna ósvífni.


„Haukur Már hefur hér framið snilldarverk, og það meina ég vel enda eru ljóð hvorki ort né samin, þau eru framin. Ljóð eru hryðjuverk, þótt það sé helst til fátítt að þau hitti þau fyrir sem þeim var ætlað... Hauki Má óska ég til hamingju með verkið, það lengi lifi. Húrra!“
Arngrímur Vídalín /