Höður og Baldur er fyrsta bókin í skáldsagnaþríleiknum Saga eftirlifenda. Þessi stórbrotna saga segir frá ásunum sem lifðu af Ragnarök og baráttu þeirra við að ná tökum á heiminum á ný. Atburðarásin er í senn spennandi, skopleg og ádeilukennd. Emil Hjörvar Petersen er frumkvöðull á sviði furðusagna hér á landi. Hann leggur ríka áherslu á frásagnarlistina, en Saga eftirlifenda er sannfærandi og frumleg frásögn sem sver sig í ætt við borgarfantasíur og heimsendabókmenntir.