Í þessari bók segir frá lífi Yetemegnu, ömmu bókarhöfundar. Hún fæddist í norðurhluta Eþíópíu árið 1916. Hún mátti þola ýmsar raunir á langri ævi og barðist ótrauð fyrir réttlæti sér og sínum til handa. Það voru stormasamir tímar í Eþíópíu: einvaldur keisari tók við af lénsveldi fyrri alda, herir Mússólínis réðust inn í landið, flugvélar bandamanna vörpuðu sprengjum á það, keisaranum var steypt í blóðugri byltingu marxista og grimmileg borgarastyrjöld hófst í kjölfarið. Meðan á öllu þessu gekk sinnti Yetemegnu fjölskyldu sinni eftir bestu getu. Einstök ævisaga ótrúlegrar konu sem missti aldrei kjarkinn þótt á móti blési en jafnframt einstök lýsing á mannlífi í landi sem oft er misskilið.
Karl Sigurbjörnsson íslenskaði.