Sigríður Björnsdóttir: Myndverk 1950 – 2019

Útgefandi: Roth
Gerð ÚtgáfuárSíðurVerðMagn
Mjúk spjöld 2020 304 9.690 kr.
spinner

Sigríður Björnsdóttir: Myndverk 1950 – 2019

Útgefandi : Roth

9.690 kr.

Sigríður Björnsdóttir: Myndverk 1950 – 2019
Gerð ÚtgáfuárSíðurVerðMagn
Mjúk spjöld 2020 304 9.690 kr.
spinner

Um bókina

Í þessari veglegu bók um Sigríði Björnsdóttur listakonu er heildaryfirlit myndverka Sigríðar frá árinu 1950 til 2019. Bókin er prýdd yfir 700 ljósmyndum af verkum hennar og gefur bókin góða innsýn í myndlistarferil listakonunnar, einstök tímabil hans og þróun. Einnig er birt ljóðabók Sigríðar sem hönnuð var af Dieter Roth.

Í fyrsta kafla bókarinnar „Myndir endurtekinnar hugljómunnar“ fjallar Aðalstein Ingólfsson listfræðingur um myndlistarferil Sigríðar, helstu áhrifavalda, og sérstöðu hennar meðal samtímamanna í íslenskri myndlistarsögu.

Meginhlutar bókarinnar eru ljósmyndir af myndverkum Sigríðar sem fengin voru að láni úr einkaeigu eða frá opinberum stöðum og söfnum víðs vegar um landið og í útlöndum. Í kaflanum Valin verk er þróunin á ferli Sigríðar undirstrikuð með myndum sem sýna sérstaklega einkenni hvers tímabils.

Kaflinn „Yfirlit verka í tímaröð“ er eins tæmandi yfirlit myndverka og unnt er að veita um myndlistarferil Sigríðar. Með kaflanum „ljóð teikningar“ er samnefnd ljóðabók hennar birt í heild. Bókinni lýkur á köflunum Lífshlaup sem er ferilskrá, og Listamannaferli – lista yfir sýningar sem Sigríður hefur haldið eða tekið þátt í og yfir opinberar stofnanir sem eiga verk eftir hana.

Sigríður lauk myndlistarkennaranámi við Handíða- og myndlistaskólann árið 1952. Hún stundaði framhaldsnám í Bretlandi við Central School of Arts and Crafts í London og síðar við Goldsmiths’ College í sömu borg. Sigríður er brautryðjandi í listmeðferð á Íslandi sem hún vann við alla tíð samhliða listsköpun sinni.

Bókin er kilja, hönnuð af Ármanni Agnarssyni og Birni Roth, prentuð og bundin hjá Svansprenti og saumuð í kjöl. Magnús Reynir Jónsson ljósmyndari myndaði verk Sigríðar og svart hvítar ljósmyndir af listakonunni eru teknar af ljósmyndurunum Andrési Kolbeinssyni og Bjarna Grímssyni. Bókin telur 304 blaðsíður og er 35 x 25 sm að stærð.

Útgefendur bókarinnar eru börn Sigríðar og Roth Verlag í Basel. Texti bókarinnar er á íslensku og ensku og er hún tilvalin til gjafa.

Opnunartímar

Virka daga 10-18

Laugardaga 11-17

Sunnudaga 12-16

 

Sími í verslun á Fiskislóð 39: 575 5636

Sími á skrifstofu á Bræðraborgarstíg: 575 5600

Fylgstu með á facebook!

2021 © Forlagið | Bræðraborgarstíg 7, 101 Reykjavík | Sími 575 5600 | forlagid@forlagid.is | www.forlagid.is

INNskráning

Nýskráning

nýskráning